ՀՀ վարչապետ Նիկոլ Փաշինյանը հայտարարել է, որ 2023-ի պետբյուջեում հստակ ֆիքսել են 7% տնտեսական աճ ապահովելու հանձնառությունը։
Նրա խոսքով. «Մեր բոլոր ծրագրերը էական նշանակություն են ունենալու 7% աճ ապահովելու համար, որովհետև մենք ընկերություններից ահազանգ ենք ստանում, որ իրենք մյուս տարվա իրենց պոտենցիալ աճի մեջ լուրջ պրոբլեմ են տեսնում, որ հնարավոր է՝ աշխատուժի բացակայության պատճառով չկարողանան տեմպը պահել»։
Վարչապետը հույս է հայտնել, որ, ի հեճուկս գնաճի, մյուս տարի աղքատության ավելի ցածր ցուցանիշ կլինի. «Սրա համար ի՞նչն է հիմք տալիս, առաջինը՝ աշխատատեղերի բացառիկ բարձր թիվը, աշխատավարձային ֆոնդի աննախադեպ թիվը, գործազրկության աննախադեպ ցածր մակարդակը ու մյուս տարվա պետական բյուջեի կապիտալ ծախսերի էական ավելացումը»։
