ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանը տեղեկացրել է, որ վերանայվում են էլեկտրաէներգիայի սակագները. «Սպառողների համար սակագնի փոփոխություն կլինի, թե չէ, 10 օրից կպարզվի, երբ վերջնականացնենք էլեկտրականության արտադրության հաշվեկշիռները»:
Օրերս ՀԾԿՀ-ն սահմանեց «Վեոլիա Ջուր» ՓԲԸ-ի կողմից բաժանորդներին խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման 2023 թվականի սակագները:
Սոցիալապես անապահով բաժանորդների համար 2023 թվականին սակագինը կմնա անփոփոխ՝ 180 դրամ, իսկ մյուս բաժանորդների համար՝ 208,42 դրամ:
Գարեգին Բաղրամյանը, անդրադառնալով սուբսիդավորման ժամկետին, հայտնեց, որ սակագները սահմանվել են 1 տարի ժամկետով, ինչպես նախատեսված է վարձակալության պայմանագրով. «Քանի որ սակագները սահմանված են մեկ տարի ժամկետով, սուբսիդավորումն էլ կլինի մեկ տարի ժամկետով»։
