Ուկրաինայի նախագահ Վլադիմիր Զելենսկին, տեսաուղերձով ելույթ ունենալով Նյու Յորքում ընթացող «DealBook» կոնֆերանսում, Իլոն Մասկին հրավիրել է այցելել Ուկրաինա։ «Եթե Դուք ուզում եք հասկանալ, թե ինչ է արել Ռուսաստանը, եկեք Ուկրաինա և տեսեք դա Ձեր սեփական աչքերով, դրանից հետո մեզ կասեք, թե ինչպես ավարտենք այս պատերազմը, ով է այն սկսել, և երբ մենք կկարողանանք ավարտին հասցնել»:
Այդպիսով Զելենսկին մեկնաբանել է SpaceX-ի և Twitter-ի ղեկավար Իլոն Մասկի հնչեղ հայտարարությունները Ռուսաստանի և Ուկրաինայի միջև խաղաղ բանակցությունների հեռանկարի մասին։
