Ինչպես արդեն տեղեկացրել էինք, Շուշի-Քարին տակ խաչմերուկի հատվածում ադրբեջանցիները փակել են Ստեփանակերտ-Գորիս մայրուղին։
Այս առթիվ Արցախի պետնախարարի խորհրդական Արտակ Բեգլարյանը տելեգրամյան իր ալիքում գրել է, որ Ադրբեջանի գործողությունները Գորիս-Ստեփանակերտ ավտոճանապարհին հերթական սադրանքն են.
«Ակնհայտ է, որ պատրվակը պլանավորված է, դրա տակ փորձ է արվում խզել Արցախի և Հայաստանի միակ կապը։
Այդ կապը, եռակողմ պայմանավորվածությունների համաձայն, ապահովում է ռուսական խաղաղապահ զորախումբը։ Այսպիսով, Ադրբեջանի գործողություններն ուղղված են Արցախի 120.000 բնակչության և խաղաղապահների դեմ։
Հուսով եմ, որ մոտ ապագայում ճանապարհային հաղորդակցությունը կվերականգնվի»- գրել է Բեգլարյանը։
