FLYONE ARMENIA ավիաընկերությունը գործունեության մեկամյակի և Ամանորի կապակցությամբ հայտարարում է «Բացահայտիր աշխարհը» ակցիայի մեկնարկի մասին։ Ակցիայի շրջանակներում բոլոր ցանկացողները կկարողանան ձեռք բերել տոմսեր առավելագույն մատչելի գներով: Այս տարի FLYONE ARMENIA ընկերության կողմից ակցիային ներկայացվում են դեպի Մերձավոր Արևելքի քաղաքներ իրականացվելիք չվերթերը։
Դեկտեմբերի 5-11-ը յուրաքանչյուր ոք կկարողանա ձեռք բերել դեպի Բեյրութ, Դուբայ, Թել Ավիվ և հետադարձ ավիատոմսերը աննախադեպ 89 եվրոյին համարժեք գնով։ Տոմսերի քանակը սահմանափակ է։
«Որպես առաջին ազգային բյուջետային ավիաընկերություն՝ FLYONE ARMENIA-ն նպատակ ունի մատուցած ծառայությունները դարձնել առավելագույն հասանելի մեր բոլոր ուղևորների համար: Մենք շարունակում ենք մեր առաքելությունը և առաջիկայում ներկայացնելու ենք բոլորովին նոր ուղղություններ»,- նշել է ավիաընկերության խորհրդի նախագահ Արամ Անանյանը։
FLYONE ARMENIA-ի բոլոր տոմսերը և հավելյալ ծառայությունները հնարավոր է ձեռք բերել www.flyone.am կայքում կամ բջջային հավելվածում, որը հասանելի է Google App-ում կամ App Store-ում, ինչպես նաև գործընկեր բոլոր ընկերությունների գրասենյակներում։ FLYONE ARMENIA ընկերության մասին FLYONE ARMENIA-ն (www.flyone.am) հիմնադրվել է 2021 թ.։ Հոկտեմբերի 27-ին ՀՀ Քաղաքացիական ավիացիայի կոմիտեն FLYONE ARMENIA-ին տրամադրել է օդանավ շահագործողի վկայական: Ընկերությունը ստացել է IATA 3F երկնիշ և ICAO FIE եռանիշ ծածկագրերը: 2022թ․ հոկտեմբերին ընկերությունը դարձավ հայաստանյան շուկայի առաջատարը տեղափոխած ուղևորների թվով։ FLYONE ARMENIA-ն առաջարկում է մատչելի թռիչքներ մի շարք ուղղություններով, ինչպիսիք են Մոսկվան, Սանկտ Պետերբուրգը, Սոչին, Եկատերինբուրգը, Միներալնիե Վոդին, Փարիզը, Լիոնը, Քիշնևը, Թբիլիսին և Ստամբուլը: Ավիաընկերության նավատորմը բաղկացած է Airbus A320 և A319 ինքնաթիռներից։ Դրանք համապատասխանում են Օդային տրանսպորտի միջազգային ասոցիացիայի (IATA) և EASA Security-ի բոլոր չափանիշներին:
