«Քաղաքացիական պայմանագիր» խմբակցության ղեկավար Հայկ Կոնջորյանն իր ելույթում տարակուսանք հայտնեց, թե ում օրինակով է ընդդիմադիր «Հայաստան» խմբակցության քարտուղար Արծվիկ Մինասյանը հայտարարում՝ «եթե վարչապետը զենքը պահի մեկի վրա ու փորձի գյուլել, ՊՊԾ-ն կսատարի նրան».
«Ես զարմանում եմ՝ այդ ի՞նչ ղեկավարների հետ եք շփվել, որոնք զենքը իրենք պահել կամ հրահանգել են պահել մեկի վրա ու գյուլլել են: Ես հասկանում եմ՝ ձեր վախերը գալիս են ձեր նախկին փորձառություններից, բայց ձեզ վստահեցնում եմ՝ եթե մեր իշխանությունը լիներ այդպիսին, այն ամենը, ինչ տեղի ունեցավ պատերազմից հետո, կբերեր այլ հետևանքների»։
Կոնջորյանն ընդգծեց՝ նոյեմբերի 9-ի գիշերը, երբ ՀՀ ԱԺ նախագահ Արարատ Միրզոյանին «բաշիբոզուկների խուժանը» մահվան դուռն էր հասցնում, ՊՊԾ-ն «չգյուլլեց» ոչ մեկին։
