Տիգրան Ավինյանը հայտնել է, որ հանդիպել է Եվրոպական ներդրումային բանկի ներկայացուցիչներ Ստեֆանի Գիար-Բրանին և Նատո Պեիտրիշվիլին: Քննարկվել է Երևանի էներգաարդյունավետության ծրագրի 1-ին փուլի ընթացքը, որի շրջանակում հիմնանորոգվում են Երևանի 12 մանկապարտեզներ, երկուսի վերանորոգումն ավարտված է, ևս մեկ մանկապարտեզի հիմնանորոգման մրցույթը հաստատման փուլում է:
Ծրագրի առաջին փուլի սահուն ընթացքը հնարավորություն է տվել սկսել բանակցություններ 2-րդ փուլն իրականացնելու համար, որի մեջ ներառվելու են 32 մանկապարտեզներ և 6 պոլիկլինիկաներ: 2-րդ փուլի համաձայնագիրը նախատեսվում է ստորագրել 2023 թվականի առաջին եռամսյակում:
