Արցախի պետնախարար Ռուբեն Վարդանյանը հայտնում է, որ վաղվանից ժամանակավորապես կդադարեցվի գազով ջեռուցվող ուսումնական հաստատությունների աշխատանքը` էլեկտրաէներգիա խնայելու նպատակով։
«Արդեն մի քանի օր է գտնվում ենք ճգնաժամի մեջ, նման իրավիճակ հարևան պետությունն է ստեղծել՝ ճանապարհը փակելով։ Այսօր դադարեցրել են գազի մատակարարումը, ուստի պետք է խնայողաբար մոտենանք էներգիայի ծախսերին։ Մենք պատրաստ ենք պայքարել՝ ցույց տալով, թե ով է արցախցին։ Ստիպված ենք լինելու ժամանակավորապես դադարեցնել գազով ջեռուցվող ուսումնական հաստատությունների աշխատանքը»,- նշել է Վարդանյանը։
Նա հավելել է, որ հստակ չէ, թե որքան կտևի այս իրավիճակը․ «Թող ամբողջ աշխարհը տեսնի, որ ադրբեջանցիների հետ անհնարին է հարաբերություններ ունենալը, թող ամբողջ աշխարհը տեսնի նրանց դեմքը»։
