Ryanair ավիաընկերությունը զանգվածային գործադուլներից հետո այսօր առավոտյան Մեծ Բրիտանիայից վերսկսել է կանոնավոր թռիչքները։ Այս մասին հայտնում է BBC-ն։ Ընկերության օդաչուների գործադուլի պատճառով հազարավոր ուղևորներ ստիպված են եղել մոտ 48 ժամ անցկացնել օդանավակայաններում։ Այժմ չվերթների գրաֆիկները գրեթե ամբողջությամբ կարգավորվել են, այնուամենայնիվ, ընկերությունը նախազգուշացրել է, որ չի կարող բացառել որոշ հետաձգումներ:
Ավիաընկերությունը օդաչուներ է ներգրավել նաև եվրոպական այլ երկրներից, որպեսզի կարողանա վերացնել գործադուլի հետևանքով առաջացած անհարմարությունները։
