ՄԱԿ Անվտանգության խորհրդում տեղի է ունեցել Լաչինի միջանցքի արգելափակման հարցով նիստը։
ՄԱԿ ԱԽ բոլոր անդամները կոչ են արել անհապաղ վերացնել արգելափակումը. ԱՄՆ-ն, Ֆրանսիան, Նորվեգիան ու Իռլանդիան` հասցեական դիմելով Ադրբեջանին։
Բոլոր ելույթ ունեցողները օգտագործել են Լեռնային Ղարաբաղ անվանումը։
ՄԱԿ ԱԽ-ում քննարկման ժամանակ Ռուսաստանի ներկայացուցիչը նույնպես շեշտել է Լաչինի միջանցքի բացման կարևորությունը` միաժամանակ ընդգծելով եռակողմ հայտարարությունների կատարման անհրաժեշտությունը. «Հայաստանի և Ադրբեջանի միջև բոլոր վիճահարույց հարցերը պետք է լուծվեն քաղաքական ու դիվանագիտական միջոցներով»:
Միացյալ Թագավորությունը, Մեքսիկան, Քենիան, Նորվեգիան, Հնդկաստանը և Իռլանդիան ՄԱԿ ԱԽ-ում քննարկման ժամանակ հանդես են եկել Լաչինի միջանցքի անխափանությունը վերականգնելու հստակ դիրքորոշմամբ։
