«Լաչինի միջանցքում ներկայումս «աշխատում են» բացառապես ադրբեջանական լրատվամիջոցները։
Ադրբեջանում չկա ազատ լրատվամիջոց. բոլոր տեսակի լրատվամիջոցները բացառապես և խիստ վերահսկվում են Ալիևի գլխավորած ավտորիտար պետության կողմից։
Ամբողջ «լուսաբանումը», ինչպես և սպասվում էր, միակողմանի ադրբեջանական պետական քարոզչությունն է:
Նրանք ուղիղ եթերում կեղծ տեղեկություններ են տալիս, այնպիսի հայտարարություններ են անում, թե իբր Լաչինի միջանցքը բաց է, ինչը իրականության բացարձակ շահարկում է։
Այդ լրագրողները՝ պետական պրոպագանդիստները, նույնպես պնդում են, որ վերջին 12 օրվա ընթացքում աշխարհից շրջափակված տարածաշրջանում հումանիտար ճգնաժամ չկա։
Կոչ եմ անում Հայաստանի ԱԳՆ-ին դիմել արտասահմանյան բոլոր խոշոր լրատվամիջոցներին՝ խնդրանքով գալ և տեղում լուսաբանել իրավիճակը։ Լեռնային Ղարաբաղի հակամարտության այս վերջին փուլը մեծ մասամբ անտեսվել է համաշխարհային լրատվամիջոցների կողմից։
Լրատվամիջոցների ավելի լայն ներթափանցումը կօգնի կանխել մոտեցող հումանիտար աղետը և բացահայտել Ադրբեջանի պետական լրատվամիջոցների կեղծիքները, որոնք ներկայումս միակողմանիորեն ներկայացվում են աշխարհին։
Կոչ եմ անում դիմել CNN-ին, BBC-ին, Al Jazeera-ին, France 24-ին և այլն: Խնդրում եմ, օգտագործեք նաև Սփյուռքի ռեսուրսները: Նման պահանջ արտասահմանյան մեդիաներին պետք է ուղղեն նաև մեր Սփյուռքի հայրենակիցները:
Պահանջում եմ նաև, որ ՀՀ լրատվամիջոցները նույնպես կարողանան տեղում լուսաբանել և հեռարձակել իրադարձությունները»,-այս մասին գրել է լրագրող, հեռուստամեկնաբան Գոհար Հայրապետյանը, հավելելով․
Մենք այս պահին տեղեկատվական կիբերպատերազմի մեջ ենք, հետևաբար մենք պետք է գործենք համապատասխանաբար»:
