ՀՀ առողջապահության նախարար Անահիտ Ավանեսյանն անդրադարձել է Լաչինի միջանցքի փակման հետևանքով Արցախում ստեղծված հումանիտար ճգնաժամին։
Ավանեսյանը հիշեցրել է, որ երեկ 3 պացիենտ Արցախից տեղափոխվել է Հայաստանի բժշկական կենտրոններ. «Այս պահին նրանց առողջական վիճակը գնահատվում է կայուն, իրականացվում են հետազոտությունները, կստանան ամբողջական բժշկական օգնություն»։
Նախարարը շեշտել է, որ սա չի նշանակում, թե իրավիճակն ուղղվում է. «Ճանապարհը փակ լինելու ամեն օրն ավելի ու ավելի է խորացնում հումանիտար ճգնաժամը։ Իհարկե, կա դեղորայքի, բժշկական նշանակության պարագաների, սննդի և բոլոր անհրաժեշտ ապրանքների պակաս։ Արվում է հնարավորը, որ այդ պակասը լրացվի։ Բայց այս իրավիճակը չի կարող մեղմվել նման ընթացիկ լուծումներով»։
