«Ավատար 2»-ը հատել է 1 միլիարդի շեմը

Ջեյմս Քեմերոնի գիտաֆանտաստիկ բլոքբասթերը՝ «Ավատար. Ջրի ճանապարհը» ֆիլմը, թողարկումից հետո երեք հանգստյան օրերին ամբողջ աշխարհում հավաքել է ավելի քան 1,38 միլիարդ դոլար։ Գումարի 957 մլն դոլարը ստացվել է արտաքին շուկաներից, գրում է Deadline-ը։

Ակնկալվում է, որ այս շաբաթվա ընթացքում ԱՄՆ սահմաններից դուրս ֆիլմը կհատի 1 միլիարդ դոլարի սահմանագիծը:

Ֆիլմն արդեն դուրս է թողել «Հարի Փոթերը և Մահվան պարգևները. Մաս 2» արկածային ֆենթըզին ($1,342 մլրդ) պատմության ամենաեկամտաբեր ֆիլմերի ցանկի 15-րդ տեղից։

Հիշեցնենք, որ «Ավատար. Ջրի ուղին» ֆիլմը պաշտոնապես հատել էր 1 միլիարդ դոլարի սահմանագիծը համաշխարհային պրեմիերայից հետո 14-րդ օրը։

2022 թվականին ամենաարագն է հատել է 1 միլիարդի շեմը։Եվ նաև դարձել վեցերորդ ֆիլմը, որին հաջողվել է առաջին երկու շաբաթվա ընթացքում գումարը հասցնել վեց զրոյի (միևնույն ժամանակ չորրորդը՝ Disney ստուդիայի բոլոր նախագծերի շարքում): Վերջին բլոքբասթերը, որն այդքան արագ հասավ հաջողության, «Սարդ մարդը. Տունդարձի ճանապարհ չկա»-ն էր: