Բանակում ինչ լինում է, բոլորս hարձակվnւմ ենք պաշտպանության նախարարության վրա. Փաշինյան

Բանակում ինչ լինում է, բոլորս հարձակվում ենք պաշտպանության նախարարության վրա։ Այս մասին կառավարության նիստում հայտարարեց ՀՀ վարչապետ Նիկոլ Փաշինյանը:

«Հա լավ, մեկ, երկու, երեք, չորս, տաս, հետո երբ որ ուսումնասիրում ես, կարդում ես, կարդում ես, կարդում ես, կարդում ես, կարդում ես, հետազոտություն ես պատվիրում, հարցնում ես, մեկ էլ ասում ես՝ մի րոպե, բայց այս պրոբլեմներից ոչ մեկը բանակում չի ձևավորվել։ Ոչ մեկը։ Այդ բոլոր պրոբլեմները քաղաքացիական կյանքից այսպես կտոր-կտոր-կտոր գալիս են, մի տեղ, փազլի կտորները մի տեղ հավաքվում են և փազլը հավաքվում է։ Շատ պարզ տրամաբանությամբ, շատ պարզ պատճառաբանությամբ, ու մենք սա չենք հասկանում։ Գնում ենք, ասում ենք՝ այս անենք բանակում, բանակում անելը արդեն ուշ է, ժողովո՛ւրդ ջան։ Բանակում էլ չենք կարող բան անել, պիտի մանկապարտեզում, դպրոցում անենք, բուհում պետք է անենք»,- ասաց նա։

Ապա նշեց, որ բանակում էլ իր հերթին, սա չի նշանակում, որ այնտեղ չպետք է ոչինչ անել։ «Դեպքեր է լինում, չէ՞, որ ուզում ենք հասկանալ, լավ, ինչի՞ է այդ ամենն ինչը տեղի ունեցել, ինչի՞ է տեղի ունեցել։ Եվ հասկանում ես, որ մեր երեխաները դպրոցից դուրս են գալիս հոգեբանական պատրաստություն չունենալով, կյանք են մտնում հոգեբանական պատրաստություն չունենալով, հոգեբանորեն թույլ լինելով, թույլ կամքով: Դե եկեք չասենք սա, եկեք չասենք սա, բայց ինչքա՞ն կլինի չասել սա»,- ասաց նա։