Իրանի Իսլամական Հանրապետության գերագույն առաջնորդի միջազգային հարցերով խորհրդական Ալի Աքբար Վելայաթին հանդիպել է ՌԴ Պետդումայի նախկին փոխխոսնակ Սերգեյ Բաբուրինի հետ։
Այդ մասին հայտնում են իրանական լրատվամիջոցները։ Անդրադառնալով Հարավային Կովկասում տիրող իրավիճակին, Այաթոլլա Խամենիի խորհրդականը նշել է հետևյալը.
«Ինչպես հայտարարել է Գերագույն առաջնորդը, Իրանը չի ընդունի գոյություն ունեցող սահմանների ոչ մի փոփոխություն, և, իհարկե, պետք է պահպանվի տարածաշրջանի անվտանգությունը»։
Հիշեցնենք, որ 2020 թվականի նոյեմբերի 9-ին Արցախում հրադադարից հետո Ադրբեջանը Հայաստանից պահանջում է տրամադրել այսպես կոչված արտատարածքային «Զանգեզուրի միջանցքը», որին դեմ է ոչ միայն պաշտոնական Երևանը, այլև Թեհրանը։
15:49
Մայիս 4, 2026
