Լաչինի միջանցքի արգելափակումը պատերազմի առաջին արարն է արցախահայության դեմ:
Այս մասին Twitter-ի իր միկրոբլոգում գրել է ֆրանսիական հայտնի «Le Figaro» ամսագրի փոխտնօրեն Ժան-Քրիստոֆ Բյուսոնը։
«Մինչև -10° ջերմաստիճանի պայմաններում ադրբեջանցի պսևդոակտիվիստ բնապահպանները մեկնել են Բաքու՝ տաքանալու։ Նրանց տեղում հիմա զինվորներ են կանգնած: Դիմակներն ընկել են. Լաչինի միջանցքի արգելափակումը (28 օրով) իսկապես պատերազմի առաջին արարն է Արցախի հայության դեմ», – գրել է Բյուսոնը՝ կից ներկայացնելով նաև լուսանկարներ արգելափակված Լաչինի միջանցքից։
Հիշեցնենք, որ 2022 թվականի դեկտեմբերի 12-ից ադրբեջանցիները բնապահպանական կեղծ պատրվակով փակել են Լաչինի միջանցքը, հումանիտար աղետի ենթարկելով Արցախի 120,000 բնակչությանը։
