Վրաստանը Ուկրաինային չի վերադարձնի «Բուկ» զենիթահրթիռային համակարգերը, քանի որ դրանք գնել է 2008 թվականին և անվճար չի ստացել։
Այդ մասին հայտարարել է Վրաստանի պաշտպանության նախարարությունը։
Ավելի վաղ Վրաստանում Ուկրաինայի գործերի ժամանակավոր հավատարմատար Անդրեյ Կասյանովը հայտարարել է, որ Կիևը Թբիլիսիին խնդրել է վերադարձնել 2008 թվականին իրեն փոխանցված «Բուկ» համալիրները, սակայն վրացական իշխանությունները մերժել են։
Հատկանշական է, որ Վրաստանը շարունակում է չեզոք դիրքորոշում պահպանել ռուս-ուկրաինական հակամարտության հարցում, պաշտոնապես հայտարարելով, որ ռազմական աջակցություն չի կարող տրամադրել Ուկրաինային։
