Կրեմլի նպատակն է վերարտադրել Ղրիմի սցենարը Ղարաբաղում. Պոդոլյակ

Ուկրաինայի նախագահի գրասենյակի ղեկավարի խորհրդական Միխայիլ Պոդոլյակն ասել է, որ Ռուսաստանը ներկայումս «ուռճացնում է ղարաբաղցի հայերի խնդիրը», որպեսզի աշխարհի ուշադրությունը շեղի Ուկրաինայի պատերազմից։

«Երեք ասպեկտ, թե ինչու է «ուռճացվում» Ղարաբաղի հայերի խնդիրը. առաջինը՝ ուշադրությունը մասամբ շեղելն ու ուկրաինական պատերազմից այլ կոնֆլիկտային կետերի անցնելն է, որպեսզի ամբողջ աշխարհն այնտեղ նայի։

Երկրորդ խնդիրն այն է, որ Ռուսաստանը, այսպես թե այնպես, ցանկանում է վերականգնել իր գերիշխող դիրքը նույն ՀԱՊԿ-ում և ցույց տալ, որ միայն ինքը կարող է միջնորդ լինել նման հակամարտությունների, այդ թվում՝ Հայաստանի և Ադրբեջանի միջև։

Եվ, վերջապես, երրորդը՝ ճնշում գործադրել Ադրբեջանի և Թուրքիայի վրա՝ վերակենդանացնելով հակամարտությունները, որպեսզի նրանք ավելի ռուսամետ լինեն միջնորդական գործառույթի առումով և այլն»,- ասել է նա։

Պոդոլյակը նշել է, որ, ըստ էության, Կրեմլը նպատակ ունի վերարտադրել Ղրիմի սցենարը.
«Փորձ կլինի անցնել Ղրիմի սցենարով և ասել, որ այսքան բնակչություն կա և պետք է այնտեղ ինչ-որ բան բերել և ասել, որ մենք. այստեղ ամեն ինչ վերահսկում ենք: Դա սադրանք կլինի»,- նշել է նա։