Մոսկվայի և Կիևի միջև պատերազմի ավարտի շուրջ բանակցությունները պետք է լինեն ուղիղ և բացառեն միջնորդների մասնակցությունը, հայտարարել են ՌԴ ԱԳՆ-ում։

«Ինչպես ցույց է տալիս պրակտիկան, արևմտյան միջնորդները հաճախ հետապնդում են իրենց նպատակները և փորձում են ազդել բանակցությունների ընթացքի վրա՝ գործելով ոչ թե հակամարտությունը լուծելու համար, այլ իրենց քաղաքական և տնտեսական շահերից ելնելով», – հայտարարել է ՌԴ ԱԳՆ ԱՊՀ 2-րդ վարչության տնօրեն Ալեքսեյ Պոլիշչուկը։

Դիվանագետը հիշեցրել է, որ 2022 թվականին ուկրաինական կողմի հետ բանակցություններն ընթացել են ուղիղ ձևաչափով, նշելով, որ Ռուսաստանը սիրով և գնահատանքով է օգտագործել բանակցությունների համար ընձեռված բոլոր հարթակները։