Տարածաշրջանային մրցակիցների՝ Իրանի և Սաուդյան Արաբիայի միջև բանակցությունները շարունակվում են և կարող են ի վերջո վերականգնել դիվանագիտական հարաբերությունները։
Այդ մասին Բեյրութում լրագրողների հետ զրույցում հայտարարել է Իրանի արտաքին գործերի նախարարը Հոսեյն Աբդոլլահեանը։ Նա նշել է, որ անցյալ ամիս հանդիպել է Սաուդյան Արաբիայի արտաքին գործերի նախարար արքայազն Ֆեյսալ բեն Ֆարհան Ալ Սաուդի հետ։
Գործընկերները հանդիպել են Հորդանանում կայացած համաժողովի շրջանակում, որին մասնակցել են Մերձավոր Արևելքի և Եվրոպայի պաշտոնյաներ:
Աբդոլլահեանի և արքայազն Ֆեյսալի հանդիպումը երկու երկրների միջև բարձր մակարդակի առաջին հանդիպում է այն բանից հետո, երբ երկու երկրները 7 տարի առաջ խզեցին դիվանագիտական հարաբերությունները:
