Մարզպետարաններում կկրճատվեն տեղեկատվության մասնագետները․ Դոյդոյանը՝ Գործադրի որոշման մասին

Կառավարության որոշմամբ՝ մարզպետարանների Տեղեկատվության և հասարակայնության հետ կապերի ստորաբաժանումները կվերանան և կմիավորվեն «Անձնակազմի կառավարման, փաստաթղթաշրջանառության և հասարակայնության հետ կապերի վարչության» ներքո։ Կկրճատվեն բնականաբար նաեւ տեղեկատվության մասնագետները։

Այդ մասին ֆեյսբուքյան իր էջում գրել է «Ինֆորմացիայի ազատության կենտրոն» ՀԿ նախագահ Շուշան Դոյդոյանը։

«Առկա տեղեկատվական մարդկային ու տեխնիկական պաշտոնական ռեսուրսները հզորացնելու փոխարեն, առանց որեւէ ուսումնասիրության, մարզերում ապատեղեկատվության այս հեղեղի պայմաններում նման որոշում կայացնելը վնասակար ու կարճամիտ քայլ է։»,-գրել է Դոյդոյանը։