Որքա՞ն խաղաղ բնակիչ է զոհվել Ուկրաինայում․ ՄԱԿ-ի վիճակագրությունը

2022 թվականի փետրվարի 24-ից ի վեր Ուկրաինայում զոհվել է մոտ 7 հազար խաղաղ բնակիչ, վիրավորվել՝ ավելի քան 11 հազարը։

Նման վիճակագրություն է հայտնել ՄԱԿ-ի գլխավոր քարտուղարի քաղաքական հարցերով տեղակալ Ռոզմարի ԴիԿարլոն՝ հղում անելով ՄԱԿ-ի Մարդու իրավունքների գերագույն հանձնակատարի գրասենյակի տվյալներին։

ՄԱԿ-ի ԱԽ նիստում ելույթի ժամանակ պաշտոնյան նշել է, որ պատերազմի հետևանքով Ուկրաինայում միլիոնավոր մարդիկ լքել են իրենց տները։

Միաժամանակ, նա բարձր է գնահատել այն ​​երկրների առատաձեռնությունը, որոնք ընդունել են մոտ 7,9 միլիոն մարդու, ովքեր պաշտպանություն են փնտրում Եվրոպայում: