Չեխիայում նախագահական ընտրություններ են․ ովքե՞ր են ֆավորիտները

Չեխիայում հունվարի 14-ին ժամը 8:00-ին վերսկսվել է հունվարի 13-ին մեկնարկած նախագահական ընտրությունների քվեարկությունը, հայտնում են տեղական լրատվամիջոցները։

Չեխիայում բոլոր ընտրություններն ավանդաբար անցկացվում են երկու օրվա ընթացքում:

Եթե ​​Հանրապետության նախագահի թեկնածուներից ոչ մեկն առաջին փուլում չհավաքի ձայների 50%-ից ավելին, ապա հունվարի 27-28-ին կկայանա քվեարկության երկրորդ փուլը, որում կընդգրկվեն առավելագույն ձայներ հավաքած երկու թեկնածուները:

Երկրորդ փուլում հաղթելու համար նրանցից մեկին անհրաժեշտ կլինի հավաքել ձայների մեծամասնությունը։

Հավելենք, որ երկրի ղեկավարի պաշտոնում իրենց թեկնածությունն են առաջադրել 8 հոգի. նախագահական մրցավազքում ֆավորիտներն են ՆԱՏՕ-ի ռազմական կոմիտեի նախկին ղեկավար, պահեստային բանակի գեներալ, 61-ամյա Պյոտր Պավելը, նախկին վարչապետ, դոլարային միլիարդատեր 68-ամյա Անդրեյ Բաբիշը։