Գերմանիայի պաշտպանության նախարարը հրաժարական է տվել

Գերմանիայի պաշտպանության նախարար Քրիստին Լամբրեխտը կանցլեր Օլաֆ Շոլցին խնդրել է իրեն ազատել զբաղեցրած պաշտոնից։

Այս մասին հայտնում է DPA գործակալությունը՝ վկայակոչելով ՊՆ ղեկավարի անձնական հայտարարությունը։

Լամբրեխտը նշել է, որ ԶԼՄ-ների ուշադրությունը նրա անձի նկատմամբ և վերջին ամիսներին նրա գործողությունների քննարկումը ստվերել է Բունդեսվերի կարիքների և քաղաքացիների շահերից բխող բանակի զարգացման մասին քննարկումները:

«Այս կապակցությամբ ես որոշել եմ ազատել իմ պաշտոնը»,- ասել է նա։

Նշենք, որ վերջին ամիսներին Լամբրեխտին քննադատում էին Գերմանիայի զինված ուժերի նյութատեխնիկական բազայի վիճակի համար։