Վլադիմիր Զելենսկու հետ բանակցությունների մասին խոսք լինել չի կարող, news.am-ի փոխանցմամբ ասել է ՌԴ ԱԳՆ ղեկավար Սերգեյ Լավրովը 2022 թ․ ամփոփող մամուլի ասուլիսի ժամանակ։
Նրա խոսքով՝ Զելենսկու հետ բանակցությունների մասին խոսք լինել չի կարող թեկուզև այն պատճառով, որ նա օրենսդրորեն արգելել է բանակցություններ վարել Ռուսաստանի կառավարության հետ։
«Զելենսկին առաջ է քաշում ինչ-որ միանգամայն անհեթեթ նախաձեռնություններ, 10 կետից բաղկացած պլան, որտեղ իրար գլխի լցված է ամեն ինչ՝ պարենային անվտանգություն, էներգետիկ, կենսաբանական անվտանգություն, ռուսական զորքերի դուրսբերում ամեն տեղից, ՌԴ-ի ապաշխարում, տրիբունալ, դատապարտում և այլն»,- ասել է Լավրովը։
