Ռուսաստանը հուսով է, որ Վրաստանի հետ ուղիղ ավիահաղորդակցությունը շուտով կվերականգնվի, հայտարարել է ՌԴ արտաքին գործերի նախարար Սերգեյ Լավրովը։
Այս մասին տեղեկանում Է ТАСС գործակալությունը: «Հուսով եմ, որ մենք շուտով կկարողանանք վերսկսել ուղիղ ավիահաղորդակցությունը (Վրաստանի հետ): Ուրախ եմ, որ Վրաստանի հետ մեր շփումներն ակտիվորեն զարգանում են, անցյալ տարի Վրաստանի ՀՆԱ-ն 10 %-ով աճել է՝ զգալի չափով զբոսաշրջության և Ռուսաստանի Դաշնության հետ հարաբերությունների շնորհիվ », – այսօր կայացած մամուլի ասուլիսում ասել է ՌԴ արտաքին քաղաքական գերատեսչության ղեկավարը:
Միևնույն ժամանակ Լավրովը հարգանքի արժանի է համարել Ռուսաստանի դեմ պատժամիջոցներին չմիանալու Վրաստանի դիրքորոշումը:
