Այրվել է զորամասի շինությունը` մոտ 104 քմ, որտեղից դուրս է բերվել 15 զինծառայողի դի. նոր մանրամասներ

Այրվել է զորամասի շինությունը` մոտ 104 քմ, որտեղից դուրս է բերվել 15 զինծառայողի դի:

Դեպքի վերաբերյալ մանրամասներ է հայտնել ՀՀ ՆԳՆ Փրկարար ծառայությունը։

«Գեղարքունիքի մարզի Ազատ գյուղում այրվում է շինություն. ՆԳՆ փրկարար ծառայության փոխանցմամբ, ահազանգը Ճգնաժամային կառավարման ազգային կենտրոն ստացվել է հունվարի 19-ին, ժամը 01:15-ին։

Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խմբեր և հրշեջ-փրկարարական ջոկատներից երեք մարտական հաշվարկ։

Հրդեհը մեկուսացվել է ժամը 02:58-ին, մարվել՝ 06:33-ին: Այրվել է շինությունը (մոտ 104 քմ)։
Շինությունից դուրս է բերվել 15 դի, 3 անձ տարբեր աստիճանի այրվածքներով տեղափոխվել է Վարդենիսի ԲԿ», – նշված է հաղորդագրության մեջ։