Տնտեսական արդիականացման ծրագրի ներքո 2022 թվականին կնքվել է 901 գործարք՝ ընդհանուր ավելի քան 56 միլիարդ դրամ գումարի։ Միայն դեկտեմբեր ամսին կնքվել է 223 պայմանագիր՝ ավելի քան 11 միլիարդ գումարի։ Այդ մասին ասված է էկոնոմիկայի նախարար Վահան Քերոբյանի Ֆեյսբուքի էջում:
«Այս ծրագրում Կառավարությունը սուբսիդավորում է մի շարք ոլորտների ընկերությունների ձեռք բերած սարքավորումների վարկերի և լիզինգների տոկոսային ծախսերի զգալի մասը։
Վստահորեն կարելի է ասել, որ այս ծրագրի արդյունքում մենք էականորեն արագացնում ենք աշխատանքի արտադրողականության աճը, որը մեր ընկերությունների մրցունակության գլխավոր գրավականն է»,- նշված է գրառման մեջ։
