Ցանկանում ենք, որպեսզի Երևանն ու Բաքուն վերսկսեն կառուցողական երկխոսությունը․ ԱՄՆ պետդեպ

ԱՄՆ պետքարտուղար Էնթոնի Բլինքենը հնարավորություն է ունեցել զրուցելու Հայաստանի ղեկավարի հետ։ Հուսով եմ, որ առաջիկա օրերին նա հնարավորություն կունենա զրուցելու Ադրբեջանի նախագահ Իլհամ Ալիևի հետ։

Այս մասին լրագրողների հետ ճեպազրույցում հայտարարել է ԱՄՆ Պետդեպի խոսնակ Նեդ Փրայսը։

Նա ասել է, որ ԱՄՆ-ն անում է հնարավորը կողմերի միջև հարաբերությունները կարգավորելու համար. «Վերջին շրջանում ձախողումներ են եղել՝ կապված Ղարաբաղի հարցի հետ, բայց մենք ցանկանում ենք, որ կառուցողական երկխոսությունը վերսկսվի, մենք պատրաստ ենք համագործակցության»։

Նեդ Փրայսը նշել է, որ ԱՄՆ-ը պատրաստ է աշխատել ինչպես ԵԱՀԿ-ի միջնորդությամբ, այնպես էլ եռակողմ գործընկերների ու միջազգային գործընկերների հետ, անհրաժեշտության դեպքում, ինչպես նախկինում էր։