Ի՞նչ վիճակում են հոսպիտալացված զինծառայողները․ մանրամասներ

Երեք զինծառայողներ գտնվում են այրվածքաբանության կենտրոնում, երկուսը՝ վերակենդանացման բաժանմունքում։ Վերակենդանացման բաժանմունքում գտնվող երկու զինծառայողների վիճակը գնահատվում է ծանր, ունեն շնչուղիների այրվածք, կատարվել են վիրակապություններ։ Ծանրության աստիճանը որոշվել է։

Այս մասին լրագրողների հետ զրույցում ասել է Այրվածքաբանության ազգային կենտրոնի փոխտնօրեն Կարինե Բաբայանը։

Նրա խոսքով՝ բոլոր տեսակի շնչուղիների այրվածքները կյանքի համար վտանգավոր են, երբ գտնվում են կլինիկայում՝ ավելի կառավարելի են այդ հիվանդները, հսկողության տակ են։

«Մյուս զինվորը գտնվում է այրվածքաբանության բաժանմունքում, նրա վիճակը բավարար է, կայուն է»,- նշել է Բաբայանը։

Հիշեցնենք, որ ՀՀ Գեղարքունիքի մարզի N զորամասի կացարանում բռնկած հրդեհի հետևանքով զոհվել է 15 զինծառայող, 3 զինծառայողի վիճակը գնահատվում է ծանր: