ՌԴ նախագահ Վլադիմիր Պուտինը Անվտանգության խորհրդի անդամների հետ քննարկել է Ուկրաինայում ընթացող հատուկ ռազմական գործողության ընթացքը։
Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Մտքերի փոխանակում է տեղի ունեցել հատուկ ռազմական գործողության ընթացքի վերաբերյալ։
Պաշտպանության նախարար Շոյգուն մասնակիցներին տեղեկացրել է շաբաթվա սկզբին գործողության շտաբ կատարած այցի մասին։
Երկրի ղեկավարը տեղեկացրել է իր վերջին հեռախոսային միջազգային շփումների մասին։ Քննարկվել են նաեւ սոցիալ-տնտեսական օրակարգի արդիական հարցեր»,- ասել է Պեսկովը։
