ՆԱՏՕ-ն ամփոփել է Կոլոմինայի՝ Երևան և Բաքու կատարած այցի արդյունքները

Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան այս շաբաթ մեկնել էր Հարավային Կովկաս՝ այցելելով Հայաստան և Ադրբեջան։

Այդ մասին ասվում է ՆԱՏՕ-ի պաշտոնական կայքում և նշվում, որ այցը գործընկերների հետ իրենց կանոնավոր քաղաքական խորհրդակցությունների անբաժանելի մասն է:

ՆԱՏՕ-ի մամուլի ծառայությունից հայտնել են, որ Հայաստանում Կոլոմինան հանդիպել է վարչապետ Նիկոլ Փաշինյանի, ԱԳ նախարար Արարատ Միրզոյանի, պաշտպանության նախարար Սուրեն Պապիկյանի և այլ պաշտոնատար անձանց հետ։

Նշվում է նաև, որ հատուկ ներկայացուցիչը Բաքվում հանդիպել է Ադրբեջանի ԱԳ նախարար Ջեյհուն Բայրամովի և այլ պաշտոնյաների հետ։

Հանդիպումների ընթացքում մտքերի փոխանակություն է տեղի ունեցել տարածաշրջանային անվտանգության հարցերի և Լաչինի միջանցքում տիրող իրավիճակի շուրջ։