Թուրքիան ռուսական հացահատիկը գնել է ռուբլով

Թուրքիան հաջողությամբ ավարտել է հացահատիկի գնման ռուբլով գործարքը, այժմ Ռուսաստանի Դաշնությունն աշխատում է Եգիպտոս նման մատակարարումների ուղղությամբ։

Այդ մասին ՌԻԱ Նովոստի-ին տված հարցազրույցում ասել է փոխվարչապետ Վիկտորյա Աբրամչենկոն։

Նրա խոսքով, այս պահին Ռուսաստանի բանկը բանակցություններ է վարում այլ պետությունների կենտրոնական բանկերի հետ՝ նման փոխադարձ հաշվարկների մեխանիզմներ մշակելու համար, և դա վերաբերում է ոչ միայն պարենային մատակարարմանը։

Փոխվարչապետը նաև ընդգծել է, որ ամենաշատ պահանջարկ ունեն հացահատիկը, ձեթն ու ճարպամթերքը։