Վաշինգտոնը պետք է վերանայի իր քաղաքականությունը․ Արաղչի

ԱՄՆ-ի հետ բանակցություններն անհնարին են, քանի դեռ Վաշինգտոնը չի փոխել ճնշումների իր քաղաքականությունը, կիրակի օրը հայտարարել է Իրանի արտգործնախարար Աբբաս Արաղչին։

Իրանը պատրաստվում է պատասխանել նախագահ Դոնալդ Թրամփի նամակին, որով նա առաջարկում էր բանակցություններ վարել միջուկային նոր համաձայնագրի շուրջ:

Իրանի ԱԳ նախարարն ասել է, որ ԱՄՆ-ի հետ միջուկային բանակցությունները հնարավոր են միայն այն ժամանակ, երբ Թրամփը փոխի քաղաքականությունը։

«ԱՄՆ-ի հետ բանակցություններն անհնարին են, քանի դեռ Վաշինգտոնը չի փոխել իր ճնշումների քաղաքականությունը։ Իրանը դեմ է բանակցություններին ոչ թե համառությունից ելնելով, այլ որպես պատմության և փորձի արդյունք»,- ասել է նա՝ հավելելով, որ Վաշինգտոնը պետք է վերանայի իր քաղաքականությունը նախքան Թեհրանի մասնակցությունը բանակցություններին։