Այն թեզը, որ պատերազմի սանձազերծումն այս իշխանության դիվանագիտական սխալն էր, հավկուրություն է․ Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում անդրադարձել է Արցախյան 44-օրյա պատերազմի թեմային և այդ համատեքստում գործող իշխանության հասցեին հնչող քննադատություններին։

«Պատերազմն անխուսափելի էր։ Այն ուշ,թե շուտ լինելու էր։

Թե հնարավոր էր, լավ դիվանագիտության դեպքում, այն բացառել, կամ միամտություն է, կամդեմագոգիա։ Ինչքան էլ որ առաջին նախագահը ցանկանար խաղալ լուծել թնջուկը,վերջին պահին Ադրբեջանը չէր համաձայնելու։ Երկրորդ նախագահը ուզենար Մեղրին էլ տալ ու յոթ շրջանները,Ադրբեջանը չէր ուզենա։ Կազանում երրորդ նախագահը պատրաստ էր հանձնել յոթ շրջանները,Ալիևը չհամաձայնեց։ Ադրբեջանը ուզել է հարցը լուծել միայն մեկ ճանապարհովպատերազմի միջոցով։

Առաջին պատերազմում ստանալով քաղաքական,ռազմական ու ամենակարևորն է բարոյական ապտակ,Ալիևները ուզեցել են Հայաստանին պատասխան տալ նույն ձևով` պատերազմի միջոցով ու հույս չունենալով,որ իրենց նպատակին կհասնեն միայնակ,նրանք ստացան ռուսների համաձայնությունն ու զենքը և ընդգրկեցին թուրքերին ու ահաբեկիչներին։

Նրանք պատրաստվել են պատերազմի, մերոնք հոշոտել են բանակը։

Եվ այն թեզը,որ այս իշխանության դիվանագիտական սխալն էր պատերազմի սանձազերծումը,մեղմ ասած հավկուրություն է,կամ իրենց սխալները թաքցնելու հնարք;
Մնում է մեր պարտությունից դասեր քաղենք ու գնալ առաջ՝առանց նվնվալու,առանց հապաղելու»,-գրել է նա։