Քննադատությունն ազդեց․ Գերմանիան փոխել է որոշումն Ուկրաինայի հարցում

Գերմանիան չի խոչընդոտի Լեհաստանին գերմանական արտադրության Leopard 2 տանկեր մատակարարել Ուկրաինային։

Այդ մասին ասել է Գերմանիայի արտգործնախարար Աննալենա Բերբոքը, փոխանցում է Reuters-ը։

Ավելի վաղ Գերմանիայի Ռամշտայն բազայում կայացած գագաթնաժողովում Ուկրաինայի արևմտյան դաշնակիցները չեն կարողացել համաձայնության գալ Կիևին Leopard 2 տանկերի մատակարարման մասին որոշման շուրջ։ 

Պատճառն, ըստ մամուլի հրապարակումների, եղել է Գերմանիայի կանցլեր Օլաֆ Շոլցի վերապահումը, ինչը խիստ քննադատության էր արժանցել Լեհաստանի, ինչպես նաև ԵՄ բարձր ներկայացուցիչ Ժոզեպ Բորելի կողմից։

Ավելի վաղ, Լեհաստանը, Ֆինլանդիան և մի շարք այլ երկրներ հայտարարել են, որ պատրաստ են իրենց Leopard 2-ները տրամադրել Ուկրաինային, եթե նման իրավունք արտոնի Բեռլինը։