Մոսկվան շարունակում է կատարել իր պարտավորությունները Ղարաբաղի հարցում. Պեսկով

Ռուսաստանը շարունակում է կատարել Հայաստանի, Ռուսաստանի և Ադրբեջանի միջև եռակողմ հայտարարությամբ արձանագրված իր պարտավորությունները։

Այդ մասին ասել է ՌԴ նախագահի մամուլի խոսնակ Դմիտրի Պեսկովը։

Նրա խոսքով, Մոսկվան հանգամանորեն աշխատում է Բաքվի և Երևանի հետ։

«Ռուսաստանը, որպես երկու տարի առաջ ստորագրված եռակողմ համաձայնագրերի և փաստաթղթերի կողմերից մեկը, շարունակում է կատարել իր պարտավորությունները և շարունակում է տքնաջան և բարդ աշխատանքը թե՛ Հայաստանի, թե՛ Ադրբեջանի հետ»,- լրագրողներին ասել է Պեսկովը՝ պատասխանելով հարցին, թե ինչպես է Կրեմլը վերաբերվում Լաչինի միջանցքի վերաբերյալ ԱՄՆ դիրքորոշմանը։