Թբիլիսիի պետական համալսարանի նախկին ռեկտոր Գիորգի Շարվաշիձեն նշանակվել է Հայաստանում Վրաստանի դեսպան։
Իրակլի Ղարիբաշվիլին հանդիպել է ՀՀ-ում Վրաստանի նորանշանակ արտակարգ և լիազոր դեսպանին, հայտնում են Վրաստանի վարչապետի մամուլի ծառայությունից։
Ղարիբաշվիլին ընդգծել է, որ Վրաստանը և Հայաստանը կապված են սերտ բարեկամական և բարիդրացիական հարաբերություններով, և հույս է հայտնել, որ ապագայում տարբեր ոլորտներում ակտիվ համագործակցություն կլինի:
Գիորգի Շարվաշիձեն տարբեր պաշտոններ է զբաղեցրել Վրաստանի կրթության և գիտության նախարարությունում, այդ թվում՝ եղել է առաջին փոխնախարար և այլն։
