Լիբանանահայերն իրենց զորակցությունն են հայտնել Արցախին՝ հավաքվելով մայրաքաղաք Բեյրութում և հայաբնակ Անջար (Այնճար) քաղաքում:
Բեյրութում լիբանանահայերի բազմամարդ հավաքը տեղի է ունեցել նախօրեին՝ հայաշատ Բուրջ Համուդ թաղամասում:
Հատկանշական է, որ դրան մասնակցել են նաև արաբներ, որոնք ևս իրենց զորակցությունն են հայտնել Արցախին։
Արցախին սատարող ակցիան կազմակերպել են Լիբանանում գործող հայկական երեք ավանդական կուսակցությունները՝ ՀՅԴ-ն, ՌԱԿ-ը եւ ՍԴՀԿ-ն, ներկա են եղել նաեւ հայ առաքելական, հայ կաթողիկե եւ հայ ավետարանական համայնքների ներկայացուցիչները:
Բուրջ Համուդում տեղի ունեցող հավաքին զուգահեռ՝ Անջար ու Զահլե քաղաքների հայերը հավաքվել էին Անջարի հրապարակում՝ նույնպես իրենց աջակցությունը հայտնելու Արցախին:
