Հռոմի Ֆրանցիսկոս պապը համասեռամոլությունը մեղք է անվանել, սակայն ասել է, որ ոչ ավանդական հարաբերությունները հանցագործություն չի համարում:
Նման հայտարարություն նա արել է Associated Press-ին տված հարցազրույցում։
«Համասեռամոլ լինելը հանցագործություն չէ։ Դա հանցագործություն չէ, այո, բայց դա մեղք է։ Նախ, պետք է տարբերակել մեղքն ու հանցագործությունը: Մեղք է նաև միմյանց հանդեպ ողորմության բացակայությունը»,- ասել է Կաթոլիկ եկեղեցու հովվապետը։
Հռոմի պապն անարդար է անվանել նույնասեռականությունը քրեականացնող օրենքները:
Նա կաթոլիկ եկեղեցուն կոչ է արել պայքարել այդ օրենքների դեմ՝ հիշեցնելով, որ համասեռամոլներին պետք է ընդունել և հարգել, այլ ոչ թե մարգինալացնել կամ խտրականության ենթարկել:
«Մենք բոլորս Աստծո զավակներ ենք, և Աստված սիրում է մեզ այնպիսին, ինչպիսին մենք կանք»,- հավելել է Ֆրանցիսկոս պապը:
13:57
Օգոստոս 10, 2026
