Ուկրաինայի նախագահ Վլադիմիր Զելենսկին հայտարարել է, թե ՌԴ նախագահ Պուտինն իր համար ոչ ոք է։
Նա նշել է, որ Կրեմլի ղեկավարն իրեն չի հետաքրքրում և վերահաստատել նրա հետ բանակցությունների անհնարինությունը։
ՌԴ նախագահի մամուլի քարտուղար Դմիտրի Պեսկովն արձագանքել է Զելենսկու այդ հայտարարությանը և նշել հետևյալը․
«Զելենսկին չլուծեց Դոնբասի խնդիրը. նա չի կատարել մինսկյան պայմանավորվածությունները։
Ավելին, նա չէր պատրաստվում դրանք կատարել, պատրաստվում էր պատերազմի։ Ուստի նա վաղուց դադարել է լինել նախագահ Պուտինի հավանական հակառակորդը»։
