Ռուսաստանն այսօր նորից հրթիռակոծել է Ուկրաինայի բնակավայրերը: Դրան վաղ առավոտյան նախորդել է մարտական ԱԹՍ-ների գրոհը, տեղեկացնում է «Ազատությունը»։ Զոհվել է 11 մարդ, նրանցից առնվազն մեկը՝ մայրաքաղաք Կիևում:
Պայթյուններ են որոտացել նաև Դնեպրոպետրովսկի, Վիննիցայի, Օդեսայի և Զապորոժիեի շրջաններում: Կիևում բնակիչներն ապաստանել են մետրոյի ստորգետնյա կայաններում:
Ռուսները թիրախավորել են կենսական նշանակության ենթակառուցվածքը, մասնավորապես` էներգետիկայի համակարգը: Մի շարք շրջաններում հոսանքի մատակարարումն ընդհատվել է:
Ուկրաինացիներն այսօր հաղորդել են առնվազն 24 ռուսական գրոհային անօդաչուներ վայր գցելու մասին: Ռուսները Կիևի վրա ավելի քան 15 հրթիռ են արձակել, հաղորդում է «Ազատությունը»։
