«Բոլոր 39 երեխաները դուրս գրվեցին Հրազդանի ԲԿ-ից: Փառք Աստծո ամեն ինչ լավ ավարտվեց»։
Այս մասին ֆեյսբուքի իր էջում գրել է Երևանի ավագանուն «Իմ քայլը» խմբակցության անդամ Աշոտ Սարգսյանը՝ անդրադառնալով Հրազդանի դպրոցներից մեկում այսօր տեղի ունեցած պատահարին։
Հիշեցնենք՝ ՀՀ առողջապահության նախարարությունն այսօր տեղեկացրել էր, որ Հրազդանի թիվ 11 դպրոցում աշակերտներից մեկի կողմից անհայտ գազ օգտագործելու հետևանքով ինքնազգացողության վատացմամբ շտապօգնության մեքենայով Հրազդանի բժշկական կենտրոն է տեղափոխվել 9-14 տարեկան 12 երեխա:
ՀՀ քննչական կոմիտեից էլ պարզաբանել են, որ Հրազդանի թիվ 11 դպրոցում 12 երեխայի ինքնազգացողության վատացման դեպքով նախաձեռնվել է քրեական վարույթ՝ ՀՀ ՔՕ 171-րդ հոդվածի 2-րդ մասի հատկանիշներով (առողջությանը թեթեւ վնաս պատճառելը)։
