ԵԽԽՎ ձմեռային նստաշրջանի օրակարգում ներկայացված էր նաև կանանց նկատմամբ բռնության դեմ պայքարում տղամարդկանց մասնակցության հարցը։
Քննարկման շրջանակում ելույթ է ունեցել ԵԽԽՎ-ում ԱԺ պատվիրակության անդամ, ԱԺ ՔՊ խմբակցության անդամ Սոնա Ղազարյանը։
Այդ մասին փոխանցում է ԱԺ լրատվական ծառայությունը։ Պատգամավորը նշել է.
«Հարցի շրջանակում ներկայացրի նաեւ Հայաստանի փորձը, այն օրենսդրական նախաձեռնությունը, որով հանդես ենք եկել գործընկերներիս հետ միասին:
Տղամարդիկ կարող են աջակցել սոցիալական նորմերի վերաձևակերպմանը և պետք է աջակցեն մեզ առանց բռնության հասարակություն ունենալու հարցում:
Ես կիսում եմ տիկին Սշտեյների վերլուծությունն առ այն, որ բռնությունը վտանգ է ժողովրդավարության համար, եւ հենց սա կարող է լինել հերթական պատճառ կամ առիթ, որպեսզի տղամարդիկ եւ կանայք միասին գործեն»:
