Ադրբեջանի ԱԳՆ-ն իր քաղաքացիներին կոչ է արել հրաժարվել Իրան մեկնելուց

Ադրբեջանի արտաքին գործերի նախարարությունը իր երկրի քաղաքացիների խորհուրդ է տվել խուսափել Իրանի Իսլամական հանրապետություն մեկնելուց, իսկ այցելելու մտադրություն ունեցողներին կոչ է արել դրսևորել ծայրաստիճան զգուշություն։

Այս մասին տեղեկացրել է Ադրբեջանի ԱԳՆ-ի մամուլի ծառայությունը՝ նշելով, որ Իրանում իրավիճակն անկայուն է։

Գերատեսչության տարածած հաղորդագրության պատճառը օրերս Իրանում Բաքվի դեսպանատան վրա կատարված զինված հարձակումն է, որի հետևանքով սպանվել է դիվանագիտական ներկայացուցչության անվտանգության պետը, ևս երկու մարդ վիրավորվել է։

Բաքուն հայտարարել է, որ Թեհրանում իր դեսպանատունն ամբողջությամբ դադարեցրել է գործունեությունը։ Իրանում տեղի ունեցած միջադեպն Ադրբեջանն ահաբեկչություն է որակում, մինչդեռ Թեհրանում հերքում են այդ պնդումները։