Ինչու՞ են արգելել ՀՅԴ գործիչների մուտքը՝ Հայաստան․ Սինանյանի պարզաբանումը

«Որքան տեղյակ եմ բոլոր մարդիկ, որոնց մուտքը արգելվել է Հայաստան, բոլորը կապված են մեկ միջադեպի հետ, պետական դրոշը կրող մեքենայի վրա ֆիզիկական հարձակման համար»։

Լրագրողների հետ զրույցում հայտարարեց Սփյուռքի գործերով գլխավոր հանձնակատար Զարեհ Սինանյանը` անդրադառնալով հարցին, թե ինչու են մի շարք դաշնակցականների մուտքը Հայաստան արգելել։

Ավելին իմանալու համար Զարեհ Սինանյան լրագրողներին հորդորեց տեղեկատվություն ստանալ ԱԱԾ-ից։

Լրագրողի հարցին, որ Հայաստանը ժողովրդավարական երկիր է և ինչու պետք է այդպիսի դեպքի համար անձանց մուտքը Հայաստան արգելվի, Զարեհ Սինանյանը պատասխանեց․

«Բողոքի ակցիայի տարբեր ձևեր կան․ ֆիզիկական հարձակումը, ձու նետելը համարյա ոչ-մի տեղ ընդունելի ձև չի»։