Երևանի «Դինամո» մարզահամալիրում ավարտվել է Հայաստանի բռնցքամարտի երիտասարդների առաջնությունը:
Այս տարի առաջնությանը մասնակցում էին 140-ից ավել մարզիկներ:
Տղամարդկանց պայքարում Հայաստանի չեմպիոններ դարձան` 48 կգ Հովհաննես Հարությունյանը, 51 կգ Դավիթ Սաֆարյանը, 54 կգ Էրիկ Առստամյանը, 57 կգ Գոռ Ազիզյանը, 60 կգ Ոսկան Ոսկանյանը, 63,5 կգ Արթուր Մկրտչյանը, 67 կգ Յուրա Բաբլումյանը, 71 կգ Արման Միսկարյանը, 75 կգ Արմեն Պողոսյանը, 80 կգ Համլետ Ադամյանը, 86 կգ Դավիթ Սիմոնյանը, 92 կգ Իշխան Հովսեփյանը և գերծանր քաշային Ալբերտ Հարությունյանը:
Կանանց պայքարում երկրի չեմպիոններ են հռչակվել` 48 կգ Լուսինե Գևորգյանը, 54 կգ Լուսյա Ավետիսյանը, 57 կգ Զուլիա Լալայանը և 63 կգ Լիլիթ Ասատրյանը:
Այս տարի ապրիլին Երևանում կանցկացվի Եվրոպայի երիտասարդների առաջնությունը: Մինչ այս հավաքականը մի քանի ուսումնամարզական հավաքներ կանցկացնի և կմասնակցի միջազգային մրցաշարերի:
