Ուկրաինան պատժամիջոցներ է սահմանել ՌԴ-ի հետ կապ ունեցող 200 անձանց դեմ

Ուկրաինայի նախագահ Վլադիմիր Զելենսկին հրամանագիր է ստորագրել Ռուսաստանի հետ կապված 200 անձանց նկատմամբ անձնական պատժամիջոցների ուժի մեջ մտնելու մասին։

Համապատասխան փաստաթուղթը՝ Ազգային անվտանգության և պաշտպանության խորհրդի (ԱԱՊԽ) որոշման և դրա հավելվածի հետ միասին հրապարակվել է պետության ղեկավարի կայքում։

Որոշման մեջ պարզաբանվում է, որ պատժամիջոցները սահմանվում են ԱԱՊԽ-ի կողմից արված առաջարկների հիման վրա։

Հիշեցնենք, որ Ռուսաստանը Ուկրաինայում հատուկ ռազմական գործողություն է սկսել 2022 թվականի փետրվարի 24-ին, ինչին հաջորդել են բազմաթիվ հակառուսական պատժամիջոցներ ոչ միայն Կիևից, այլև Եվրոպայից, Արևմուտքից և մի շարք այլ երկրներից։