Համայնքը մեծ դեր ունի այս հարցում․ Ավինյանը՝ հաշմանդամություն ունեցողների ինտեգրման մասին

Երևանի քաղաքապետի տեղակալ Տիգրան Ավինյանը ֆեյսբուքյան գրառմամբ հայտնում է.

«Հաշմանդամություն ունեցող մեր քաղաքացիները, առաջին հերթին երեխաները, պետք է ունենան հասարակությանն ինտեգրվելու բոլոր հնարավորությունները:

Step Forward Social NGO / «Քայլ առաջ» Սոցիալական ՀԿ և Full Life NGO / Լիարժեք կյանք ՀԿ այն հասարակական կազմակերպություններից են, որոնց աշխատանքը դժվար է գերագնահատել:

Մարիամի հետ այցելեցինք կազմակերպություններ, ծանոթացանք և շփվեցինք աշխատակիցների և երեխաների հետ:

Պայմանավորվեցինք կենտրոններին ներգրավել խնդրի վերաբերյալ առաջիկա հանրային քննարկումներին:

Համայնքը և պետությունը մեծ դեր ունեն այս հարցում՝ սկսած խնդրի հանրային ընկալումից մինչև կրթություն, աշխատատեղեր և մատչելի միջավայր:»: