Երևանում օդը թույլատրելիից ավելի աղտոտված է, բայց դեռ վտանգավոր սահմանին մոտ չէ

Երևանում օդի աղտոտվածության մակարդակը շարունակում է նորմայից բարձր մնալ: Մայրաքաղաքի տարբեր հատվածներում գտնվող հինգ դիտակայանների տվյալները ցույց են տալիս՝ փոշու, ծծմբի և ազոտի երկօքսիդներով ամենահարուստ օդը Կենտրոն վարչական շրջանում է:

Գոհար Հակոբյան (ՀՀ ՇՄՆ հիդրոօդերևութաբանության և մոնիտորինգի կենտրոնի մթնոլորտային օդի որակի մոնիտորինգի ծառայության պետ) – 18 դիտակայանում մեր կենտրոնի դիտակայանում ամեն օր գերազանցում ենք ունենում փոշու:

Մասնագետները Երևանի օդի որակը չափում են ամեն օր: Դիտակայաններում 24 ժամ մնացած նմուշները բերում են լաբորատորիա, անցկացնում մի քանի փուլից բաղկացած հետազոտությունը: Արաբկիր վարչական շրջանում, ըստ դիտակայանի տվյալի, օդի աղտոտվածությունը գրեթե միշտ, նորմայի սահմանում է:

Գոհար Հակոբյան – Ունեցել ենք առանձին օրերին գերազանցումներ, բայց մոտ 1.2 անգամ:

Վերջին տարիներին մայրաքաղաքի օդի աղտոտվածության աճին նպաստել են օրեցօր շատացող շինհրապարակաների, տրանսպորտի արտանետումները,- նշում է Գոհար Հակոբյանը: Տարվա կտրվածքով ամենամաքուր օդը եղել է 2020-ին, երբ կորոնավիրուսի պատճառով սահմանափակված էր քաղաքացիների ու մեքենաների տեղաշարժը:

Ամբողջական հոդվածը կարող եք կարդալ այս հասցեով՝ 1lurer.am